‘छक्का पञ्जा’ को ‘पुर्व पश्चिम रेल’ ले तोड्यो ‘सुर्के थैली’ को रेकर्ड

शनिबार साँझ सार्वजनिक गरिएको फिल्म ‘छक्का पञ्जा’ को ‘पुर्व पश्चिम रेल’ बोलको गीतलाई युट्युवमा ७६ हजार बढी पटक हेरिएको छ । नेपाली फिल्ममा कुनै पनि गीतको भिडियोलाई यति धेरै पटक यति छोटो अवधीमा हेरिएको यो पहिलो रेकर्ड हो । ७८ लाख बढी पटक हेरिएको ‘सुर्के थैली’ लाई २५ घण्टामा १० हजार पटक मात्रै हेरिएको थियो ।

यदि यही रफ्तारमा ‘छक्का पञ्जा’ को ‘पुर्व पश्चिम रेल’ भिजिट हुने हो भने ‘सुर्के थैली’ को ७८ लाख रेकर्ड तोड्न धेरै समय लाग्ने छैन । यो गीतमा पनि राजनराज सिवाकोटीको संगीतमा अञ्जु पन्तको स्वर र संगीतकार स्वयमको स्वर तथा शब्द रहेको छ । पुरुषोत्तम प्रधानको छायाँकन रहेको सुन्दर भिडियोमा कविराज गहतराजको कोरियोग्राफी रहेको छ । भिडियो हेर्नुस् :

दिपाश्री निरौलाले निर्देशन गरेको फिल्ममा दिपकराज गिरीसँगै प्रियंका कार्की, जितु नेपाल, शिवहरी पौडेल, बुद्धि तामाङ, नम्रता सापकोटा र वर्षा राउतको अभिनय रहेको छ । ‘छक्का पञ्जा’ भदौ २४ गतेदेखि प्रदर्शनमा आउँदैछ ।