चपुरमा रेखा थापालाई दोहोरो सास्ती : हेर्नुस् ‘पलाँस’ का ५ तस्बिरहरु

गएको सातादेखि नायिका रेखा थापा फिल्म छायाँकनको लागि चन्द्रनिगाहपुरस्थित चपुरमा छिन् । लामो समयपछि होम प्रोडक्सन बाहिरको फिल्म ‘पलाँस’ मा अभिनय गर्न थालेकी रेखालाई त्यहाँ त्यति सहज भने नभएको खबर प्राप्त भएको छ ।

‘गर्मी अनि त्यसपछि दर्शकको चाप कहाँ सजिलो र फिल्म खिच्न ?’ निर्मात्री कृषा चौलागाईंले कठिनाई सुनाईन्, ‘जसोतसो गरी काम गरिरहेका छौं ।’ निर्मात्री चौलागाईंका अनुसार छायाँकन सुरु भएको पहिलो दिन स्थानियको भिडले गर्दा छायाँकन नै रोकिन गएको थियो । ‘दोश्रो दिनदेखि सुरक्षाकर्मी नै खटाएको छौं’ कृषाले भनिन् । रेखाले मुख्य भूमिका निभाएको ‘पलाँस’ को सबै सुटिङ तराई क्षेत्रमा हुनेछ ।

‘पलाँस’ मा रेखासँग कलाकार कामेश्वर चौरासिया प्रस्तुत भएका छन् । नायक आयुव केसी पनि फिल्मका मुख्य पात्र हुन् । सुवास कोइरालाले निर्देशन गर्दै गरेको फिल्म ‘पलाँस’ को विषयवस्तु खुलाइएको छैन । अर्जुन पोखरेलको संगीत रहेको फिल्मलाई सुसन प्रजापतीले खिच्दैछन् ।