‘गाजलु’ को लण्डन प्रिमियर अगावै फर्किए अनमोल

फिल्म ‘गाजलु’ को लण्डनमा आइतबार हुने प्रिमियर अगावै नायक अनमोल केसी नेपाल फर्किएका छन् । पिता भुवन केसीसँगै अनमोल बुधबार नेपाल फर्किएका हुन् । ‘ड्रिम्स’ प्रदर्शनका लागि युरोप यात्रामा रहेका अनमोल लण्डनमा हुने ‘गाजलु’ प्रिमियरमा सहभागी हुने योजना थियो ।

‘अन्तरिक कारणले अनमोल फर्किएको हो’ निर्माता रोहित अधिकारीले भने, ‘भिसाले गर्दा फर्किनु परेको बुझिएको छ ।’ अनमोल फर्किएपनि आफु र निर्देशक हेमराज विसी भने प्रिमियरका लागि शनिबार त्यसतर्फ जाने निर्माता अधिकारीले बताए । नायिका सृष्टि श्रेष्ठ एक साता पहिला नै लण्डन पुगिसकेका छिन् । नेपालमा जेठ २८ गतेदेखि प्रदर्शनमा आउने ‘गाजलु’ को लण्डन प्रिमियर भव्य गरिने तयारी गरिदैंछ । ट्रेलर हेर्नुस् :

पुर्व कुमारीको कथामा आधारित फिल्म ‘गाजलु’ मा अनमोल र सृष्टिसँगै गौरव पहारी, सलोन बस्नेत, मेनुका प्रधान, रितिक शाहीको अभिनय रहेको छ । ‘गाजलु’ लाई प्रतिक्षित फिल्मको रुपमा हेरिएको छ ।