‘एक्सन’ मा आइटम : ‘चोलीमा सबैको आँखा लाग्या छ’
यो शुक्रबार, जेठ १४ गतेदेखि प्रदर्शनमा आउने फिल्म ‘एक्सन’ को आइटम भिडियो रिलिज भएको छ । प्रल्हाद बोगटीको संगीत रहेको गीतमा युवराज चौंलागाईं र गीता सुनारले स्वर दिएका छन् । शब्द डिएसको हो भने भिडियोको कोरियोग्राफी गोविन्द ‘प्रभात’ र राम ‘प्रयासी’ ले गरेका हुन् ।
राजु अर्यालको लेखन तथा निर्देशन रहेको फिल्म ‘एक्सन’ मा एक्सन अभिनेता शिव श्रेष्ठ, निर्माता समेत रहेका कलाकार प्रमोद दिप, नायिका जेनिशा केसी र कसम गुरुङको अभिनय रहेको छ । निर्माताका रुपमा दिपेन्द्र कोइराला र सर्मिला तामाङ गुरुङ रहेका छन् । एक्सन प्याट्रनको फिल्मका फाईट मास्टर कुमार महर्जन हुन् । सिनेम्याटोग्राफर रविन्द्र बराल हुन् । ‘एक्सन’ को ‘चोरी लग्या छ’ बोलको आइटम भिडियो हेर्नुस् :
