खेल र समाजसँगको ‘रिलेसन’ असार १० देखि प्रदर्शन

असार १० गते अर्को एक नयाँ फिल्म प्रदर्शनमा आउने भएको छ । समाजमा भएका नकारात्मक पक्षलाई निर्मुल पार्न तेक्वान्दो खेलले पुर्याउने सहयोगलाई मुख्य विषयवस्तु बनाइएको फिल्म ‘रिलेसन’ असार १० मा थपिएका हो ।

यो मितिमा पहिल्यै तीन वटा फिल्महरुले आफ्नो प्रदर्शन मिति पक्क गरिसकेका छन् । दिपेन्द्र दाहालले निर्देशन गरेको फिल्म ‘रिलेसन’ मा तेक्वान्दोका फस्ट सेभेन डन दिवाकर डन महर्जन र अमेरिकी व्ल्याक बेष्ट कृटिना नुनास तथा उपेन्द्र तिमल्सिना, महिमा सिलवाल, लक्ष्मण बिक्रम बस्नेत, शुशिल पोख्ररेल लगायत तेक्वान्दोका अन्र्तराष्ट्रिय खेलाडीहरुको अभिनय रहेको छ । ‘रिलेसन’ ले अमेरिका र नेपाल बिचको तेक्वान्दोको सम्बन्धलाई देखाएको निर्देशक दिपेन्द्र दाहालले बताए । ट्रेलर हेर्नुुस् :

वनड्रस मुभिजको व्यानरमा निर्माण भएको फिल्म ‘रिलेसन’ मा दिवाकर महर्जनको लगानी रहेको छ । यो फिल्मलाई नेपाल पत्रकार महासंघ राजधानी प्रष्ठिानको आयोजनामा जेठ १३ गते विश्वज्योति सिनेमा हलमा बिहान ८ वजे च्यारिटी शो गरिदैंछ । सो च्यारीटीबाट उठेको रकम मध्येबाट पत्रकार कल्याण कोषका लागि सहयोग गरिने निर्माण पक्षले जानकारी गराएको छ ।

‘रिलेसन’ जेठ ३० गते अमेरिकाको हलिउड थिएटरमा पनि रिलिज हुदैछ । हलिउड थियटरमा कमै नेपाली फिल्महरु चल्न गर्दछन् ।