नारीको सम्मानका लागि राजेश हमालको ‘सकुन्तला’ रुप (टिजर रिलिज)

महानायक राजेश हमालले नारीको रुप धारण गरेको फिल्म ‘सकुन्तला’ को टिजर रिलिज भएको छ । छायाँकन देखि नै चर्चामा रहेको महानायक हमालको नारी रुपवाला ‘सकुन्तला’ को करिब एक मिनेट लामो टिजरमा दमदार संवाद पनि छन् । ‘मेरो यो रुप सम्पूर्ण नारीहरुको सम्मान हो । र, त्यो पुरुषलाई चुनौती हो जसले नारीको अपमान गर्छ’ भन्ने संवाद र द्धन्द्धका दृश्यहरु टिजरमा समावेश छन् । टिजर हेर्नुस् :

दिनेश श्रेष्ठले निर्देशन गरेको फिल्म ‘सकुन्तला’ मा राजेशसँगै नायिका अनु शाह र नायक किशोर खतिवडाको अभिनय रहेको छ । महेश्वर खत्री र श्रीप्सा खत्रीले निर्माण गरेका हुन् । भदौ १० गतेदेखि प्रदर्शनमा आउने ‘सकुन्तला’ को प्रचार प्रसार व्यापक रुपमा गरिने मिडिया संयोजक दिनेश सिटौलाले बताए ।

राजेश हमाललाई यसरी बनाईएको थियो नारी । हेर्नुस्, मेकिङ्ग भिडियो ।