विकास वोर्डद्वारा ‘पशुपति प्रसाद’ र ‘छायाँ’ विशेष फिल्मको घोषणा

सार्वजनिक प्रदर्शनमा प्रशंसा र राम्रो कमाई गर्न सफल फिल्म ‘पशुपति प्रसाद’ र बाल यौन दुराचारको विषयमा बनेको फिल्म ‘छायाँ’ ले नेपाल सरकारद्वारा विशेष फिल्मको सम्मान पाएका छन् ।

शुक्रबार चलचित्र विकास वोर्डको चावाहिल कार्यालयमा एक कार्यक्रमको आयोजना गर्दै अध्यक्ष राजकुमार राईले ‘पशुपति प्रसाद’ र ‘छायाँ’ निर्माण युनिटलाई सम्मान पत्र हस्तान्तरण गरे । अंग्रेजी ‘सव टाइटल’ का लागि यी दुई विशेष फिल्मलाई विकास वोर्डलुे दुई दुई लाख प्रदान गर्नेछ ।

दिपेन्द्र के.खनाल निर्देशित फिल्म ‘पशुपति प्रसाद’ मा कलाकार खगेन्द्र लामिछाने मुख्य भूमिकामा प्रस्तुत भएका छन् भने मनोज पण्डित निर्देशित फिल्म ‘छायाँ’ मा अनुप बराल र बाल कलाकार साईव्रत आचार्य मुख्य भूमिकामा प्रस्तुत छन् । छायाँ सार्वजनिक प्रदर्शनमा आइसकेको छैन ।