‘गाजलु’ मा सलोन : छोटो तर मिठो रोल

निर्देशक शोभित बस्नेतका छोरा सलोन बस्नेतले युवा स्टार अनमोल केसीसँगै फिल्म ‘होस्टेल’ बाट डेव्यु गरेका थिए । अनमोल चर्चाको उचाईमा पुग्दा सलोनले पनि फिल्ममा निभाएका साना साना भूमिकाबाटै आफ्नो बेग्लै छाप छोड्न सफल भएका छन् । सहायक भूमिकामै सलोन हाई हाई छन् ।

फिल्म ‘गाजलु’ मा पनि सलोन सहायक भूमिकामा प्रस्तुत भएका छन् । अनमोल केसी र सृष्टि श्रेष्ठ अनि गौरव पहारी स्टारर फिल्ममा सलोन कसरी हाइलाईट होलान् त ? ‘गाजलु’ का निर्देशक हेमराव विसी भन्छन्, सलोनको रोल छोटो तर मिठो छ । निर्देशक विसीका अनुसार आइटीमा स्नातक गरेर पनि बेरोजगार रहेको सोझो युवाको भूमिका निर्वाह गरेका छन् ।

यसअघि सलोनले ‘होस्टेल’ र ‘आभाष’ फिल्ममा गरेको अभिनयबाट दर्शकको मन जितेका थिए । रोहित अधिकारी निर्मित फिल्म ‘गाजलु’ जेठ २८ गतेदेखि प्रदर्शनमा आउँदैछ ।