निखिललाई अनुपविक्रमको सल्लाह, ‘ज्यान बनाउनुस्’ (मज्जाको भिडियो सहित)

एक्सन स्टार निखिल उप्रेती यतिबेला फिल्म ‘किङ’को छायाँकनमा व्यस्त छन् । सविर श्रेष्ठले निर्देशन गर्दै गरेको यो फिल्ममा निखिल शिर्ष भूमिकामा प्रस्तुत भएका छन् । उनको अपोजिटमा नायिका वेनिशा हमाल पहिलो चोटी देखिएकी छन् । वेनिशा र निखिलको बिचमा आउने पात्र हुन्, अनुपविक्रम शाही । जे एस इन्टरटेनमेन्टको प्रस्तुतीमा जयन श्रेष्ठले निर्माण गरेको फिल्म दशैंमा प्रदर्शनमा आउँदैछ । ‘किङ’का प्रस्तुतकर्ता जगन श्रेष्ठ हुन् ।

उनै अनुपविक्रम यो आईतबार एक्सन स्टार उप्रेतीलाई जन्मदिनको शुभ कामना दिन ‘किङ’को सुटिङ सेट मह स्टुडियोमा पुगेका थिए । एक्सन स्टार उप्रेतीसँग पहिलो पटक स्क्रिन सेयर गर्न लागेका हिरो लुक्स भएका पर्दाका भिलेन विक्रम निकै नै उत्साहित देखिए । उत्साहित अनुपले निखिललाई एउटा सल्लाह पनि दिए । आखिर के दिए त एक्सन स्टार उप्रेतीलाई अनुपविक्रमले सल्लाह ?

‘दाईको अरु त सबै ठिक छ, ज्यान चाहिं अलि बनाउनु पर्यो । ज्यान बनाएपछि अरु सबै ठिक हुन्छ ।’ निखिलले पनि अनुपको सल्लाहलाई सकारात्मक रुपमा लिदैं भने, ‘हो अनुपले भनेको सही हो । अब ज्यान बनाउँछु ।’ कस्तो होला त अब निखिलको ज्यान ? केही महिना त पक्कै पर्खनु पर्ला । ‘किङ’ सुटिङ सेटमा आइतबार मनाइएको निखिलको जन्मदिनको मज्जाको भिडियो हेर्नुस् :