सुस्मिताले सार्वजनिक गरिन् ‘म त तिम्रै हुँ’ को पहिलो मुहार

अभिनेत्री सुस्मिता केसीले निर्माण गरेको फिल्म ‘म त तिम्रै हुँ’ को पहिलो पोस्टर सार्वजनिक गरिएको छ । सार्वजनिक फस्ट पोस्टमा फिल्मका मुख्य दुई पात्र आकाश श्रेष्ठ र ज्योत्सना योगी प्रस्तुत छन् । यी दुवै कलाकार ‘म त तिम्रै हुँ’ डेव्य हुन् ।

स्टार पुत्र अनमोल केसीको व्यानरमा निर्माण भएको फिल्मलाई सुस्मिताले साउन १७ गते प्रदर्शनमा ल्याउने लक्ष्य राखेकी छन् । जसमा सुस्मिताको समेत फिल्ममा महत्वपूर्ण भूमिका रहेको छ । श्रीराम महतले निर्देशन गरेको फिल्म ‘म त तिम्रै हुँ’ मा आकाश, ज्योत्सना र सुस्मितासँगै सुशिल काफ्ले, जीवन भट्टराई, अनुपम श्रेष्ठ, सुसन खड्का पनि अभिनय रहेको छ । फिल्म पारिवारिक प्रेम कथामा आधारित छ ।

सौरभ लामाको छायांकन, कविराज गहतराजको नृत्य निर्देशन रहेको फिल्म ‘म त तिम्रै हुँ’ मा हिमाल केसीको द्वन्द्व निर्देशन रहेको छ । कृष्ण आचार्यको पटकथा एंव सम्वाद रहेको फिल्ममा हर्कुलस बस्नेतले संगीत दिएका छन् । ‘म त तिम्रै हुँ’ निर्माणमा सुस्मितालाई सुवास थापाले सघाएका छन् ।