‘के म तिम्रो होईन र’को विशेष शोमा जे देखियो (फोटो फिचर)
शुक्रबारदेखि प्रदर्शनमा आएको फिल्म ‘के म तिम्रो होइन र’को काठमाण्डौको बिग सिनेमामा विशेष शो गरिएको छ । फिल्म हेर्नका लागि नेपाली फिल्म क्षेत्रका चर्चित अभिनेत्रीहरु हल पुगे ।
सदावहार नायिका करिश्मा मानन्धर, अभिनेत्री रेखा थापा, निर्माता छविराज ओझा, अभिनेत्री निशा अधिकारी, प्रियंका कार्की, केकी अधिकारी, पूजा शर्मा, निर्देशकहरु सुर्दशन थापा, हेमराज विसी, सुरेन्द्र पौडेल, रामबाबु गुरुङ्ग, गायकहरु राजेशपायल राई, बाबु बोगटी लगायतका अनुहार हलमा देखिए ।
२ घन्टा ३० मिनेट लामो फिल्म हेरेपछि अभिनेत्रीहरुले खुलेर प्रशंसा गरे । विशेषगरि, फिल्मका अभिनेता आर्यन अधिकारीको कामले खुबै तारिफ पायो ।
फिल्म हेर्न पुगेका अभिनेत्रीहरुले अगाडिको सिटमा बसेर पनि पूर्ण समय फिल्म हेरेका थिए । यस्तै, फिल्म क्षेत्रका अन्य चर्चित अनुहार पनि हलमा देखिएका थिए ।
यो फिल्मले शुक्रबार र शनिबार सुखद ओपनिङ गरेको छ । सुृरेश अधिकारीले निर्माण गरेको फिल्मलाई आकाश अधिकारीले निर्देशन गरेका हुन् । फिल्ममा आर्यन र मरिस्कासँगै गौरी मल्ल, मिथिलाई शर्मा, आकाशबाबु खवास, प्रज्जवलसुजल गिरी, सुरेन बसेल, सविना गोपालीको मुख्य भूमिका रहेको छ । विशेष शोमा अभिनेत्री मल्ल र भिलेन बनेका कलाकार प्रज्जवल गिरीको भूमिकालाई पनि रुचाइयो ।
