सोनाक्षी फर्किइन्, तर नेपालमा सुरु भयो सेनाको आलोचना

अभिनेत्री सोनाक्षी सिन्हा नेपाल आएर नेपालीको मन जितेर फर्किसकिन् । टुँडिखेलमा शनिबार आयोजना भएको ‘अमरपन्छी’ कार्यक्रममा सहभागी हुन उनी नेपाल आएकी थिइन् । तर, सोनाक्षीको बिषयमा एउटा तस्बिर अहिले भाइरल मात्र भएको छैन आलोचित पनि भएको छ ।

सोनाक्षीलाई एयरपोर्टमा लिनका लागि नेपाली सेनाका जर्नेल पुगेपछि यसले विवाद सिर्जना गरेको छ । रक्षा मन्त्री भिम रावलले पनि जंगी अड्डालाई प्रश्न सोधेको बताइसकेका छन् । हिरोइनलाई स्वागत गर्न सेनाका उच्च पदस्थ व्यक्ति पुग्नु राम्रो काम नभएको मन्त्रीकै भनाई छ ।

नेपाली फिल्मका चर्चित अभिनेता राजेश हमालले पनि सेनाको आलोचना गरेका छन् । उनले सेनाप्रतिको आफ्नो सम्मानमा गिरावट आएको आशको स्टाटस लेखेका छन् ।