‘छक्का पन्जा’लाई ४५ लाख एमजी

यो कुनै नेपाली फिल्मले पाएको ठूलो एमजी रकम हो । वितरण कम्पनी एफडीले भदौ २४ गते रिलिज हुन लागेको फिल्म ‘छक्का पन्जा’लाई मोटो रकम एमजी दिएको छ ।
एफडी कम्पनीका प्रदिप कुमार उदयका अनुसार फिल्मलाई काठमाण्डौ बाहिरका लागि ४५ लाख एमजी दिइएको हो । निर्मातात्रय दीपकराज गिरी, दीपाश्री निरौला र निर्मल शर्माले यस अगाडि बनाएका २ वटा फिल्म हिट भएकाले पनि यति ठूलो रकम एमजी दिइएको प्रदिपले बताए ।

अब, काठमाण्डौ बाहिरका लागि यो फिल्मका निर्मातालाई ४५ लाख रुपैयाँ सुरक्षित भएको छ । एफडीले केही समययता राम्रा र चल्ने संभावना बोकेका फिल्मलाई एमजी दिइरहेको छ ।

दीपकराज गिरी, जीतु नेपाल, केदार घिमिरे, प्रियंका कार्की, बर्षा राउत मुख्य भूमिकामा रहेको यो फिल्मलाई दीपाश्री निरौलाले निर्देशन गरेकी हुन् ।