सोनाक्षी र मलाइका नेपालमा, टुँडिखेलमा धुम मच्चाउने तयारी

सैनिक श्रीमति संघले शनिबार टुँडिखेलमा आयोजना गर्न लागेको ‘अमरपन्क्षी’ कार्यक्रममा सहभागी हुन बलिउडका २ अभिनेत्री नेपाल आएका छन् । दिउँसो करिब २ बजे अभिनेत्री सोनाक्षी सिन्हा नेपाल आइपुगिन् ।

यस्तै, अर्की अभिनेत्री मलाइका अरोरा खान बेलुका मात्र नेपाल आइन् । उनलाई आयोजकले विमानस्थलमा स्वागत गरेको थियो । सोनाक्षीले एयरपोर्टमा उपस्थित केही दर्शकलाई हाई गर्न भ्याइन् । उनी सेतो सर्ट र कालो जिन्स पाइन्र्ट र टोपी लगाएर वीमानस्थलको भीआइपी कक्षबाट बाहिर आएकी थिइन् ।

भोली दिउँसो ३ बजेबाट सुरु हुने कार्यक्रममा सोनाक्षी र मलाइकाको साथमा नेपाली फिल्ममा चर्चित अभिनेत्रीहरुले प्रस्तुती दिनेछन् । रेखा थापा, प्रियंका कार्की, निशा अधिकारी, सुष्मा कार्की, इन्दिरा जोशी, केकी अधिकारी, ऋचा शर्माले प्रस्तुती दिने बताइएको छ ।