अवार्ड गर्नेको सूचीमा कलाकार संघ पनि थपियो

नेपाल चलचित्र कलाकार संघ पनि अब अवार्ड गर्न तम्सिएको छ । संभवत कलाकार संघको अवार्ड यो बर्षको पहिलो हुनेछ । असार १८ गते दिउँसो २ बजेबाट काठमाण्डौको आर्मी अफिसर्स क्लबमा अवार्ड सुरु हुने कलाकार संघको भनाई छ ।

काठमाण्डौमा आयोजित पत्रकार सम्मेलनमा अवार्डको बारेमा जानकारी दिदै संयोजक कृष्ण मल्ले २० वटा विधा हुने बताए । एक जना फिल्मीकर्मीलाई १ लाख ११ हजार १ सय ११ रुपैयाँ सहित ‘लाइफ टाइम एचिभमेन्ट अवार्ड’ दिने कृष्णले बताए ।

कार्यक्रममा कलाकार संघ र विज्ञापन कम्पनी की एड्भर्टाइजिङका विच ३ बर्षका लागि अवार्ड आयोजनामा सहकार्य गर्ने सहमती पनि भएको छ ।