गीत राम्रो छ ‘किन गरे माया’को
निर्माता दीलकुमार प्यासीले नयाँ कलाकारलाई लिएर निर्माण गरेको फिल्म ‘किन गरे माया’का गीतसंगीतले अहिले चर्चा पाइरहेका छन् । यो फिल्ममा समावेश खाली खाली बोलको गीतको भिडियो रिलिज भएको छ । दर्शकको मुखमा झुण्डन सक्ने गीतसंगीत नै चलचित्रको मुख्य चल्ने मुख्य कुरा देखिएको छ । जेठ १४ गतेबाट यो फिल्म
नेपालभरका विभिन्न हलमा रिलिज हुँदैछ ।
फिल्मको यो गीतमा दीपक लिम्बु र बानिका प्रधानको स्वर, महेश खड्काको शब्द तथा संगीत छ । फिल्ममा आयुष रेग्मी, सन्जु सिलवाल, सरु घलान, हरिश तिमिल्सिना, सुष्मा कार्की, रश्मी भट्ट, दीलकुमार प्यासी छन् । फिल्मको निर्देशन रमेश बोगटीले गरेका हुन् ।
