७६ वटा हलमा ‘के म तिम्रो होइन र’

नेपालमा फिल्म ‘के म तिम्रो होइन र’को वाइल्र्ड रिलिज हुने भएको छ । नेपालभरका ७६ वटा हलमा यो फिल्म लाग्न लागेको निर्माता सुरेश अधिकारीले जानकारी दिए । हल अझै बढ्न सक्ने उनले बताएका छन् ।

आकाश अधिकारीको लेखन तथा निर्देशनमा बनेको यो फिल्मको प्रतिस्पर्धा खासै ठूलो हुनेछैन । कारण, हिन्दी फिल्म ‘अजहर’को खासै चर्चा नहुनु र अर्को नेपाली फिल्म ‘विरानो माया’को प्रचार कमजोर हुनुको फाइदा यो फिल्मले लिने देखिएको छ ।

फिल्म ‘के म तिम्रो होइन र’ काठमाण्डौका मल्टिप्लेक्स, सिंगल र काठमाण्डौ बाहिरका पनि सिंगल र मल्टिप्लेक्समा लाग्नेछ । यसैविच, फिल्ममा समावेश ‘पागल’ बोलको गीत पनि सार्वजनिक गरिएको छ ।

फिल्ममा आर्यन अधिकारी र मरिष्का पोख्रेल मुख्य भूमिकामा छन् । आर्यन र मरिष्का यो फिल्मबाट स्टारको रुपमा नेपाली फिल्म क्षेत्रमा उदाउने अपेक्षा धेरैको छ ।