‘अनागत’मा आफ्नै श्रीमान् तर्साउदै प्रियंका
अभिनेत्री प्रियंका कार्की र अभिनेता अर्पण थापाको जोडी दोश्रो पटक पर्दामा देखिने भएको छ । ‘सुन्तली’मा एकसाथ काम गरेको यो जोडीलाई निर्देशक साम्तेन भुटियाले फिल्म ‘अनागत’मा फिचरिङ गर्न लागेका हुन् । फिल्मले श्रीमान् श्रीमतिको कथालाई प्रस्तुत गरेको छ । 
माउन्टेन रिभर र टाइनी बट विग पिक्चर्सको प्रस्तुतीमा यो फिल्म बन्ने छ । अभिनेत्री कार्कीले फिल्म आफ्ना लागि चुनौतीपूर्ण रहेको बताइन् । अभिनेता थापाले आफ्नै श्रीमतिले मार्न लागेको भ्रममा दौडने श्रीमान्को कथामा आफू देखिन लागेको बताए । समिर उपाध्याय, चन्द्र के झा, निलु डोमा शेर्पा, साम्तेन भुटियाको फिल्ममा लगानी छ ।
सिसन बानियाँको छायांकन, चन्द्र के झाको कथा, प्रवचन श्रेष्ठ र साम्तेन भुटियाको पटकथा यो फिल्ममा रहने पक्का भएको छ ।
