हिरोइन फेर्न सिपालु अनमोल र निखिल, मिल्छ एउटै गुण

समाचारको शिर्षक पढेर स्पष्ट भै नहाल्नुहोस् । तर, एउटा कुरा के सत्य हो भने अभिनेताद्धय निखिल उप्रेती र अनमोल केसी अभिनेत्री फेर्न माहिर नै छन् । वास्तविक जीवनमा नभएर यो पर्दाको कुरा हो ।

निखिलको कमब्याक भएको २ बर्ष मात्र भयो । तर, उनले आफ्ना हरेक फिल्ममा अभिनेत्री फेरेका छन् । ‘भैरव’मा अनु शाह, ‘लुटेरा’मा निशा अधिकारी मुख्य अभिनेत्री थिए ।
निखिलले अभिनय गरेको तेश्रो फिल्म ‘संरक्षण’मा अशिष्मा नकर्मी र मलिना जोशी हिरोइन भए । चौथो फिल्म ‘किङ’मा वेनिशा हमाल मुख्य अभिनेत्री छिन् । पाचौ फिल्म ‘निर्भय’मा नीता ढुंगाना मुख्य अभिनेत्री हुन् । यसरी हेर्दा निखिल अभिनेत्री फेरेर काम गर्न इच्छुक देखिएका छन् । उनले अभिनय गर्ने छैटौ फिल्म ‘राधे’मा मात्र अशिष्मा दोहोरिएकी छिन् ।

अनमोल केसीले अहिलेसम्म ४ वटा फिल्म खेले । जसमा अभिनेत्री दोहोरिएका छैनन् । ‘होस्टेल’मा प्रकृती श्रेष्ठ, ‘जेरी’मा आना शर्मा, ‘ड्रिम्स’मा साम्राज्ञीराज्य लक्ष्मी शाह र ‘गाजलु’मा श्रृष्टी श्रेष्ठ अनमोलका अभिनेत्री भए । निखिल र अनमोलको एउटा यो बानी भने ठ्याक्कै मिलेको छ ।