जब गौरीले सोधिन्–‘खै त मलाई फिल्म खेलाएको’

पत्रकारहरु फिल्म ‘ग्याङस्टार ब्लूज’ यूनिटलाई प्रश्न सोधिरहेका थिए । दर्शकदिर्घामा एक चिनिएकी कलाकार पनि बसेकी थिइन् । जब, पत्रकारले प्रश्न सोध्न थोरै सुस्ताए, उनले सोधिन्–‘खै त मलाई फिल्ममा अफर गरेको ?’

यो प्रश्न सोध्ने अरु कोही नभएर चर्चित कलाकार गौरी मल्ल थिइन् । गौरीको यो प्रश्नले फिल्म यूनिट र पत्रकारमा हाँसो छुट्यो । कारण, गौरीको यो प्रश्न केही अप्रत्याशित थियो ।
गौरीले प्रश्न सोधेपछि निर्देशक हेमराज वीसीले उनलाई सरप्राइज मात्र भने ।

यति भनेपछि गौरी केही उत्साहित देखिइन् । यो फिल्ममा गौरी हुनेछिन् या हुदिनन्, पक्का भएको छैन । तर, गौरीको यो अचानक भूमिका खोजीले भने चर्चा पायो ।