ट्रेलर सार्वजनिक हुने वित्तिकै विवादमा ‘गाजलु’, आखिर किन ?

अहिलेका एक मात्र स्टार अभिनेता अनमोल केसीको मुख्य भूमिका रहेको फिल्म ‘गाजलु’ अप्ठ्यारोमा पर्ने संकेत देखिएको छ । फिल्मको बिषयवस्तुका कारण यसलाई गाह्रो पर्ने देखिएको हो ।

फिल्मले कुमारीको कथालाई उठान गरेको छ । फिल्मको बिषयवस्तुलाई लिएर कुमारी घरले निर्माता, निर्देशकलाई बोलाएर कुरा पनि गरिसकेको छ । फिल्ममा कुमारी बनेकी यूवतीको यो समय सकिएपछि उसले के गर्छे भन्ने कथा छ । ट्रेलर सार्वजनिक हुने वित्तिकै विवाद देखिएको हो ।

निर्माता रोहित अधिकारीले विज्ञप्ती जारी गर्दै कुनै सम्प्रदाय, परम्परालाई ठेस पुग्ने गरि फिल्म तयार नपारिएको बताएका छन् । उनले फिल्म हलमा आउनु अगाडि कुमारी घरका पदाधिकारीलाई देखाएर अगाडि बढ्ने जानकारी समेत गराएका छन् ।

अनमोल केसीसँगै फिल्ममा श्रृष्टी श्रेष्ठ, सलोन बस्नेत, गौरव पहारी, मेनुका प्रधान मुख्य भूमिकामा छन् । फिल्ममा श्रृष्टी कुमारी यूवतीको भूमिकामा छिन् । फिल्म जेठ २८ गतेबाट रिलिज हुँदैछ । सिनेमालाई हेमराज विसीले निर्देशन गरेका हुन् ।