सकिएकै हो त जीवनको स्टारडम ?

‘नाई नभन्नु ल’को सिक्वेल छाड्नु अभिनेता जीवन लुइटेलको करिअरकै लागि ठूलो घाटाको बिषय बनिरहेको छ । कारण, यसपछि जीवनले अभिनय गरेका फिल्म हिट भएका छैनन् । यो बर्षको सुरुवात पनि जीवनका लागि सुखद बनेन ।

उनको मुख्य भूमिका रहेको फिल्म ‘बाजीगर’ले गतिलो व्यापार गरेन । फिल्मले खराब व्यापार गरेपछि जीवनको नाममा फिल्म हेर्न आउने दर्शकको संख्या ह्वात्तै घटेको देखिएको छ ।

हुनत, जीवनको हातमा ‘उजेली र राधा’ नाम गरेका २ फिल्म छन् । तर, गतबर्ष पनि ३ वटा असफल फिल्म दिएका जीवन यो बर्षको सुरुवातमै अभाग्यमानी देखिए । अमेरिका पुगेर ग्रिन कार्ड लिने तयारी गरेपछि जीवनलाई दर्शकले रुचाउन छाडेका छन् ।