हेरेर आर्यन नम्रताको ‘होमवर्क’ रोमान्स, बोर हुने नो चान्स (भिडियो)

चलचित्र ‘होमवर्क’को नयाँ गीत सार्वजनिक भएको छ । ‘हराए म तिम्रो’ बोलको निकै लोभलाग्दो  यो गीत सुन्दा झैं हेर्दा पनि आँखालाई शितलता मिल्छ । गीतमा नायक आर्यन सिग्देल र नायिका नम्रता श्रेष्ठ निकै खुलेका छन् । आर्यन र नम्रताको कमेष्ट्रीले गीतलाई निकै सुन्दर बनाएको छ ।

गायक बादल लिम्बु र प्रविशा अधिकारीको आवाजमा रहेको यो गीतमा संगीत ताराप्रकास लिम्बुको छ । जेष्ठ ७ गतेबाट प्रदर्शन हुने यो चलचित्रलाई निरक पौडेलले निर्देशन गरेका हुन । चलचित्रमा आर्यन सिग्देल दोहोरो भुमिकामा छन् । आर्यनका र नम्रताका अलावा यो सिनेमामा गौरी मल्ल, विजय लामा लगायतका कलाकारहरुको अभिनय रहेको छ।

उद्धब पौड्यालको प्रस्तुतीमा निकीता पौडेल, निरज पौडेल र निरक पौडेलको निर्माण रहेको यो चलचित्रमा शिवम अधिकारीको लेखन रहेको छ। चलचित्रलाई पुरुषोत्तम प्रधानले खिचेका हुन् ।