‘बाटो मुनिको फूल २’, करोड क्लबमा पुग्यो है…

पछिल्लो समय राम्रा चलचित्रहरुको ब्यापार निकै सुखद भईरहेको छ । क्वालिटीका चलचित्रहरुलाई दर्शकले मज्जाले साथ दिदैं आएका छन् । यसैबीच गत शुक्रबारबाट प्रर्दशनमा आएको सिनेमा ‘बाटो मुनिको फूल २’ ले पनि सिंगल थिएटर र मल्टीप्लेक्समा दर्शकको साथ मज्जासँग पाईरहेको छ ।

प्रर्दशनको पहिलो हप्ता बित्न नपाउदै चलचित्र करोड क्लबमा प्रवेश गरिसकेको छ । चलचित्रप्रति दर्शकले देखाएको मायाबाट निर्माता तथा नायक यस कुमार निकै उत्साहित देखिएका छन् ।

‘निकै लामो समयदेखि छुवाछुतबिरुद्धको जुन नारा बोकेर हिडिरहेको थिए, आज आम दर्शकहरुले त्यसमा समर्थन दिईरहनुभएको छ’, यस कुमारले मज्जाको अनलाईनसँग भने, ‘बाटो मुनिको फूल २ सिनेमा मात्रै होईन, यो एउटा सामाजिक अभियान पनि हो ।’ सिनेमाको ‘वर्ड अफ माउथ’ राम्रो भएकाले हलमा दिनदिनै दर्शकको चाप बढ्दो रहेको यस कुमारले जानकारी गराए ।

हलमा लागेको पहिलो तीन दिनमै ९५ लाखको विजनेस गरेको यो सिनेमाले करोड क्लबमा प्रवेश गरिईरहदा मल्टिप्लेक्समा समेत शोहरु बढाईएको छ ।

सुवर्ण थापा निर्देशित यो फिल्ममा यशकुमारसँगै बाबु बोगटी, दिलिप रायमाझी, ऋचा शर्मा, अशिष्मा नकर्मी, रिमा विश्वकर्मा, टिका पहारी लगायत कलाकारहरुको अभिनय हेर्न सकिन्छ ।