निर्देशकलाई यशले वेवास्ता गरेका हुन् ?

फिल्म भनेको निर्देशकको सिर्जनामा आधारित हुन्छ । निर्देशकको सोच खराब भयो भने फिल्म पनि गतिलो बन्दैन । शुक्रबारबाट प्रदर्शनमा आएको फिल्म ‘बाटो मुनिको फूल २’ का निर्दशक सुवर्ण थापा अहिले आफ्नै सिर्जना मेरो हो भन्ने अवस्थामा छैनन् । उनले निर्माता तथा अभिनेता यश कुमारसँग मिलेर फिल्म बनाउँदा त सम्बन्ध राम्रै थियो । तर, जतिबेला निर्देशकविना नै यशले फिल्मको ट्रेलर सार्वजनिक गरे, यसपछि भने सम्बन्ध बिग्रिएको प्रष्ट भयो ।

निर्देशक थापा नेपालमा छन् । तर, शनिबार आयोजना भएको फिल्मको विशेष शोमा उनी उपस्थित थिएनन् । फिल्मका मुख्य २ अभिनेत्री अशिष्मा नकर्मी र ऋचा शर्मा, अभिनेताद्धय बाबु बोगटी र यश कुमार हलमा देखिए । तर, निर्देशक नेपालमै भएर पनि नदेखिएपछि यशले उनलाई मतलव नगरेको स्पष्ट भयो ।

सुवर्णले निर्देशन गरेको कुनै पनि फिल्म हिट छैनन् । उनी अघिल्लो फिल्म ‘फन्को’ चल्दा पनि प्रचारमा अटाएका थिएनन् । यश कुमारले निर्देशक नआएको बिषयमा खासै रुची देखाएनन् । आखिर, यश कुमारको व्यवहार नै यस्तो हो कि, निर्देशक थापा नै गलत हुन् ?