रेखालाई २ महिला साथीको यस्तो यस्तो अफर
अभिनेत्री रेखा थापालाई उनका २ महिला साथीले फरक फरक भूमिकाका लागि फिल्ममा अफर गरेका छन् । फिल्म ‘डायरी’का लागि अभिनेत्री छुल्ठिम गुरुङले रेखालाई खलपात्रको भूमिकामा खेलाउन चाहेकी छिन् । यो फिल्मको कथा समेत हेरिसकेकी रेखाले मन परेको बताएकी छिन् । तर, उनले यो फिल्म खेल्ने पक्का भैसकेको छैन ।
रेखाकी अर्की साथी कृषा चौलागाइले फिल्म ‘पलास’मा मुख्य भूमिकाका लागि रेखालाई अफर गरेकी छिन् । यो फिल्मको कथा पनि रेखालाई सर्वाधिक मन परेको छ । तर, यो फिल्म रेखाले गर्ने वा नगर्ने निर्णय गरेकी छैनन् । रेखा आफ्नो भन्दा बाहिरी ब्यानरमा फिल्म खेल्न खासै उत्साहित हुदिनन् । तर, यसपटक भने रेखाको मुड चेन्ज होला जस्तो छ ।
