प्रेमका लागि समय रोक्न खोज्दै आर्यन र मरिष्का

फिल्म ‘के म तिम्रो होइन र’का मुख्य अभिनेता आर्यन अधिकारी र अभिनेत्री मरिष्का पोख्रेल समय नै रोक्न खोज्दैछन् । प्रेममा लपक्क हुनका लागि यी दुइले समय पनि रोक्न खोजेका हुन् ।

वैशाख ३१ गतेबाट प्रदर्शनमा आउने फिल्म ‘के म तिम्रो होइन र’मा समावेश दोश्रो गीत ‘रुक रुक ओ समय’ बोलको गीतमा यी दुइको यस्तो प्रेम देखिन्छ । आकाश अधिकारीको निर्देशनमा तयार भएको यो फिल्ममा गौरी मल्ल, प्रज्वल सुजल गिरी, आकाश खवास पनि मुख्य भूमिकामा छन् । फिल्मको सार्वजनिक यो गीतमा मिलन अमात्य र प्रल्हाद तिमिल्सिनाको स्वर, बसन्त सापकोटाको संगीत, डाक्टर कृष्णहरि बरालको शब्द छ ।

फास्ट बिटमा तयार पारिएको गीतलाई उत्कृष्ट लोकेशनमा खिचिएको छ । यो गीतले पनि चर्चा पाउने विश्वास निर्माताको छ । फिल्मलाई सुरेश अधिकारीले निर्माण गरेका हुन् ।