ऋचालाई ‘हाउ फन्नी’को चासो

अभिनेत्री ऋचा शर्माले अभिनय गरेको फिल्म ‘बाटो मुनिको फूल २’ भोली अर्थात शुक्रबारबाट रिलिज हुँदैछ । तर, उनै ऋचा आफ्नो फिल्मसँग प्रतिस्पर्धा गर्न आउन लागेको फिल्म ‘हाउ फन्नी’को प्रिमियरमा पुगिन्  । ऋचाको चासो ‘हाउ फन्नी’ कस्तो छ भन्नेमा खुबै थियो । उनले संचारकर्मीसँग आफ्नो फिल्म र यो फिल्ममा कुन बढी चल्छ भनेर समेत अड्कल सोधिन् ।

फिल्म पुरै हेरेकी ऋचाले मध्यान्तरमा पनि कस्तो लाग्दैछ भनेर सोधेकी थिइन् । गतबर्ष पूर्ण रुपमा असफल भएपछि ऋचा यो बर्षको सुरुवातमै फिल्म चल्यो भने चर्चा हुनेछ भन्ने दाउमा छिन् । यसैले पनि उनी आफ्नो प्रतिस्पर्धी फिल्मको प्रिमियरमा पुगिन् र प्रतिक्रिया समेत लिन भ्याइन् ।