विराज कि निखिल ? आर्यन कि आयुष्मान ? साच्चै यो बर्ष को चम्किएला ?

नेपाली फिल्ममा यो बर्ष को उदाउला ? कसको भाग्य चम्किएला ? नयाँ बर्ष लागेसँगै यो बर्ष कसको पोल्टामा दर्शक र मिडियाको वधाई रहला ?
यो बर्ष पनि थुप्रै फिल्म रिलिजको पाइपलाइनमा छन् । यसैले पनि यस्तो चर्चा हुनु स्वभाविक नै हो । वैशाख १० गतेदेखि रिलिजको सुरुवात हुने नेपाली फिल्मको बजारमा चैत्रको अन्तिम सातासम्म फिल्मको ताती लाग्नेछ । यसैले पनि यो बर्ष को उदाउला र कसको फिल्मले व्यापार गर्ला भन्ने प्रतिक्षा छ ।

यो बर्ष विराज भट्ट, निखिल उप्रेती, राजेश हमाल जस्ता कुनै बेलाका सुपरस्टारहरु आउँदैछन् । नयाँ अभिनेताका फिल्म पनि यो बर्ष नै लाग्नेछन् । पुराना अभिनेत्रीदेखि नयाँ अभिनेत्रीहरु पनि यो बर्ष आफ्नो भाग्य चम्काउन नेपाली फिल्ममा देखिनेछन् ।

गतबर्ष नेपालका लागि दुखद भएपनि फिल्म नगरिका लागि औषत रहेको थियो । यो बर्ष फेरि के अनमोल केसीले चर्चा पाउलान् ? के यो बर्ष ५ बर्षपछि फिल्म नगरिमा फर्किएका विराज भट्टले पोल्टामा चर्चा पार्लान्, प्रतिक्षा गर्नैपर्छ ।

वैशाखको अन्तिम साता रिलिज हुने फिल्म ‘के म तिम्रो होइन र’का आर्यन अधिकारी एक्सन हिरोको रुपमा उदाउने चर्चा पनि फिल्म बजारमा छ । नयाँको प्रतिस्पर्धा यो बर्ष रोकिने छैन । पुराना पनि आफूलाई खरो रुपमा प्रतिस्पर्धा गराउन अगाडि आउनेछन् । यसैले, यो बर्ष नेपाली फिल्ममा को उदाउला र को अस्ताउला ? हेर्न रोचक नै हुनेछ । तर, यो बर्ष नेपाली फिल्मका अधिकांश कलाकारको फिल्म रिलिज हुनेछ भने नयाँ अनुहारको आगमन पनि प्रशस्तै हुने देखिएको छ ।