पलपछि भिडियोका चर्चित मोडल पुष्प चर्चित फिल्मको सिक्वेलमा

अहिले फिल्मको सिक्वेल बनाउने लहर नै छ । यो लहरमा म्यूजिक भिडियोमा चर्चित बनेका कलाकार देखिन थालेका छन् । मोडल पल शाहले फिल्म ‘नाई नभन्नु ल ४’बाट फिल्म नगरिमा पाइला राखे । अब, अर्का मोडल पनि चर्चित फिल्मको सिक्वेलमा देखिने भएका छन् ।

भिडियोमा जमेका मोडल पुष्प खड्कालाई लिएर निर्देशक तुलसी घिमिरेले फिल्म ‘दर्पण छायाँ २’ बनाउने भएका छन् । जेठको दोश्रो साताबाट छायांकन सुरु हुने फिल्ममा जितु नेपाल, दीवाकर पाण्डे लगायतको मुख्य भूमिका हुने भएको छ । फिल्मलाई यूवा पुस्ताको सांगीतिक प्रेम कथा भनिएको छ ।

फिल्मको छायांकन नेपाल र अमेरिकामा गर्ने तयारी गरिएको छ । फिल्मको अघिल्लो कथाका मुख्य अभिनेता उत्तम प्रधान मात्र यसमा देखिनेछन् ।