अनमोल र सृष्टिको गाजलु रोमान्स यस्तो (भिडियो सहित)

जेठ २८ गतेदेखि तपाईको नजिकको सिनेमा घरमा अहिलेका ‘हट केक’ अनमोल केसी र पुर्व मिस नेपाल सृष्टि श्रेष्ठ रोमान्स गर्न आउदैछन् । ‘गाजलु’ नामक सिनेमामा जोडीको रुपमा देखिने अनमोल र सृष्टिको गीति रोमान्स भने युट्युबमा आईसकेको छ । भर्खरै चलचित्रको ‘तिमी आयौ’ बोलको गीत सार्वजनिक गरिएको छ ।

हेमराज विसी निर्देशित चलचित्र ‘गाजलु’को सार्वजनिक यस गीतमा हर्कुलस बस्नेतको आवाज रहेको छ । शब्द संगीत पनि उनैको हो । सफ्ट मेलोडियस यो गीतको भिडियो पनि उस्तै किसिमले बनाईएको छ । भिडियो हेर्दा तपाईको आँखालाई शितलता मिलेको आभास पक्कै हुन्छ ।

केही दिन अघि पोष्टर सार्वजनिक गरिएको यो सिनेमाको प्रचार प्रसारलाई ब्यापक्ता दिन थालिएको छ । सिनेमामा अनमोल र सृष्टिका अलावा गौरव पहारी, सलोन बस्नेत, मेनुका प्रधान, गौरी मल्ल, विश्व बस्नेत लगायत कलाकारहरुको मुख्य भुमिका रहेको छ ।