आजबाट रेखाको ‘रामप्यारी’, ‘नाई नभन्नु ल ४’ लाई ब्रान्डको चुनौती

आजबाट नेपालभर २ प्रतिक्षित चलचित्र रिलिज भएका छन् । बर्षमा एउटा मात्र चलचित्र खेल्ने नायिका रेखा थापा निर्मित तथा अभिनित फिल्म ‘रामप्यारी’ले दर्शकको ढोका ढकढक्याएको छ । रेखा थापा, सविन श्रेष्ठ, आश्मा डीसी, आभाष अधिकारीले अभिनय गरेको यो फिल्ममा सविर श्रेष्ठको निर्देशन छ ।

फिल्मले विशेषगरि देशभरका सिंगल पर्दामा आफूलाई हाबी बनाउने अड्कल काँटिएको छ । मल्टिप्लेक्समा भने निर्देशक विकास आचार्य निर्देशित फिल्म ‘नाई नभन्नु ल ४’ देखिएको छ । प्रियंका कार्की, अनुभव रेग्मी, पल शाह, बर्षा राउत, आँचल शर्माको मुख्य भूमिका रहेको यो फिल्मले पारिवारिक कथालाई उठान गरेको छ ।

दुबै फिल्मका मेकर यो पटक आत्मविश्वासी देखिएका छन् । रेखा आफ्नो फिल्मले सिंगो जनता र महिलाको प्रतिनिधित्व विशेष गर्ने बताउँछिन् भने विकास आफ्नो फिल्म यसपटक अघिल्ला ‘नाई नभन्नु ल’ भन्दा विशेष रहेको बताउँछन् ।