बैशाख ६ बाट निखिलको ‘किङ’, बर्षमै ३ वटा फिल्म आए के होला ?

अभिनेता निखिल उप्रेतीको डिमाण्ड ५ बर्षपछि फर्कदा पनि कत्ती कम भएको छैन । गतबर्ष लगातार २ वटा फिल्म हिट भएपछि माग बृद्धी भएको थियो, निखिलको । निखिलको हातमा फिल्मको कमी छैन । निखिलले अभिनेत्री वेनिशा हमालसँग काम गर्ने भनिएको फिल्म ‘किङ’को छायांकन वैशाख ६ बाट सुरु हुने भएको छ ।

सविर श्रेष्ठले निर्देशन गरेको यो फिल्मको छायांकन लुम्बिनीमा हुनेछ । फिल्म पूर्णरुपमा द्धन्द्धात्मक हुने सविरको भनाई छ । निखिल यो फिल्म सकिएपछि ‘निर्भय’मा देखिनेछन् । मधुसुदन भट्टराइको निर्देशनमा बन्ने फिल्ममा नीता ढुंगाना उनको अपोजिटमा हुनेछिन् । निखिल हाल फिल्म ‘संरक्षण’को छायांकनमा व्यस्त छन्, जुन फिल्म भदौको अन्तिम साता रिलिज हुनेछ ।

निखिल आउँदो बर्ष आफ्नै निर्माणमा बन्ने फिल्म ‘भैरव रिटन्र्स’मा पनि देखिनेछन् । यसरी हेर्दा निखिल पनि अब पैसा कमाउ अभियानमा लागेको देखिएको छ ।