रेखाको फिल्म हेर्न अभिभावक चाहिने, खतरै एक्सन छ कि क्या हो ?

अभिनेत्री रेखा थापाले निर्माण गरेको फिल्म ‘रामप्यारी’ हेर्नका लागि बालबालिकालाई अभिभावक चाहिने भएको छ । यसको अर्थ हुन्छ, फिल्मले ‘पीजी’ प्रमाणपत्र पाएको छ ।

चलचित्र सेन्सर बोर्डका कर्मचारीसँग फिल्म हेरेपछि रेखा उत्साहित छिन् । रेखाका अनुसार बोर्डका कर्मचारीले फिल्म खुबै मन पराएका छन् । रेखाले दर्शकले यो फिल्म हेरेपछि मनोरञ्जन भरपुर पाउने बताइन् ।

सविर श्रेष्ठले निर्देशन गरेको यो फिल्मको द्धन्द्धात्मक पाटोका कारण पीजी प्रमाणपत्र दिइएको हो । रेखा थापा, सविन श्रेष्ठ, आश्मा डीसी, आभाष अधिकारी मुख्य कलाकार रहेको यो फिल्ममा रेखा दोहोरो भूमिकामा छिन् ।