‘क्लासिक’ पछि आर्यनको के ?

अभिनेता आर्यन सिग्देल आफैले निर्माण गरेको फिल्म ‘क्लासिक’ माघ २९ गते चल्यो । यो फिल्ममा आर्यनको कामको प्रशंसा भयो । यो फिल्म चलेपछि आर्यन अहिले सुनसान छन् । आर्यनको हातमा फिल्म छैन । उनी कुनै पनि फिल्मको छायांकनमा पनि व्यस्त छैनन् । के आर्यनलाई अफर नआएरै हो त ?

होइन, आर्यनलाई अफर आएका छन् । तर, आर्यन फिल्म नै गर्ने रुची देखाउँदैनन् । आर्यन सिग्देलले सहकार्य गर्दै आएका निर्माता सुवास गिरी पनि अब अनमोल केसीलाई लिएर नयाँ फिल्म बनाउँदैछन् । यसको अर्थ यो ब्यानरबाट पनि आर्यन तत्काल काम गर्ने छैनन् । उसो भए आर्यन के गर्छन् त ?

नेपाली फिल्मका चकलेटी अभिनेता ‘क्लासिक’बाट अपेक्षित रकम नकमाएपछि केही निराश देखिएका छन् ।