मिति तोक्न होडबाजी

नेपाली फिल्म क्षेत्रका निर्माताहरु अहिले आउँदो बर्षका लागि आफ्नो फिल्मको मिति तोक्ने होडबाजीमा लागेका छन् । कोही निर्माता आफ्नो फिल्मको प्रचार छायांकन सुरु नगर्दै विभिन्न तरिकाले गरिरहेका छन् भने कोही राम्रा डेट आफ्नो पक्षमा पार्न तछाडमछाड गरिरहेका छन् ।

वैशाख १० गतेबाट सुरु हुने नेपाली फिल्मको प्रतिस्पर्धा र जुधाई यो बर्षको अन्तिम शुक्रबारसम्म हुने पक्का छ । नेपाली फिल्मका चर्चित निर्माता लामो बिदालाई मौका छोपिरहेका छन् भने नयाँ निर्माता कुनै फिल्म आफूसँग नजुधे हुन्थ्यो भनेर कामना पनि गरिरहेका छन् ।

वैशाख १० देखि दसैसम्मलाई हेर्दा कुनै पनि डेट खाली हुने संभावना छैन । भदौमा त फिल्मको बाढी लागेको छ भने अब यो बाढी साउन हुँदै असारसम्म पनि देखिएको छ । जेठमा पनि फिल्मको चाप उस्तै छ ।

दसैमा पनि फिल्म चलाउन निर्माताहरुविच प्रतिस्पर्धा देखिएको छ । जे भएपनि यतिबेला निर्माताहरु मिति तोक्न होडबाजी गरिरहेका छन् ।