आफ्नै फिल्म प्रचारमा नदेखिएकी हेमा हङकङमा ‘वीर विक्रम’ प्रिमियरमा यसरी झुल्किइन्

निर्देशक मिलन चाम्सले बहिनी बनाएका हुन् हेमा श्रेष्ठलाई । हेमालाई लिएर उनले ‘हासिया’ नामक फिल्म पनि बनाए । तर, फिल्म चल्ने बेलामा हेमा गायब बनिदिइन् । हेमा विदेशतिर हानिएपछि फिल्म प्रचारमा मिलन एक्लै भए । सोही समयमा उनले अब कसैलाई पनि बहिनी नबनाउने बताएका थिए ।

तर, उनै मिलनले फिल्म ‘वीर विक्रम’ बनाए । यो फिल्मको हङकङमा प्रिमियर गरिएको छ । तर, हङकङमा भने यी अभिनेत्री झुल्किइन् । एयर होस्टेज भएकी हेमा हङकङ पुग्ने र फिल्म प्रदर्शनको समय एउटै भएको मिलनको भनाई छ  ।

तर, हेमा यही फिल्मको शोकै लागि हङकङ पुगेको देखिन्छ । आफूले अभिनय गरेको फिल्मको प्रचारमा नदेखिने हेमालाई अहिले अर्कै अभिनेत्री भएको फिल्मको शोमा भने पुग्ने रहर लागेछ । यो फिल्मको प्रिमियरका लागि निर्देशक मिलन चाम्स, अभिनेता दयाहाङ राई, अभिनेत्री दिया पुन र संचारकर्मी नरेश भट्टराई हङकङमा छन् ।