‘उहिले बाजेको पालामा’ पुगिन् खुश्वु

अभिनेत्री खुश्वु खड्का ‘उहिले बाजेको पालामा’ पुगेकी  छिन् । नयाँ पुस्ताकी यी अभिनेत्री पुरानो जमानामा कसरी पुगिन् ?

वैशाख २४ गतेबाट काठमाण्डौ र जेठ ७ गतेबाट काठमाण्डौ बाहिरका हलमा लाग्ने भनिएको फिल्म ‘उहिले बाजेको पालामा’ खुश्व मुख्य भूमिकामा छिन् । नेपाली संकृती र मौलिकता झल्काउने उद्देश्यले फिल्म निर्माण गरिएको कलाकार गणेश वेलवासेले बताए ।

आज काठमाण्डौमा पत्रकार सम्मेलन आयोजना गरेर फिल्मको ट्रेलर सार्वजनिक गरिएको छ । सुनिल मानन्धर कार्यकारी निर्माता रहेको फिल्मका निर्माता चेतन कोइराला हुन् भने यादव सैघाली यसका कार्यकारी निर्माता हुन् । बसन्त जीएम यसका निर्देशक हुन् ।

यो फिल्ममा दिलिप रायमाझी, नविन श्रेष्ठ, कमल गाउँले, गणेश वेलवासे, खुश्वु खड्का, सपना रोक्का लगायतका कलाकारको मुख्य भूमिका छ ।