नेपाली फिल्म खेल्नका लागि सयौ यूवा यूवती आउँछन् । तर, सबैको भाग्य चम्कदैन । केहीको मात्र भाग्य चम्किन्छ र नाम, दाम दुबै कमाउँछन् । यही सूचिमा पर्ने अभिनेत्री हुन् केकी अधिकारी । जसको हातमा न त फिल्मको कमी छ न त विदेशमा हुने स्टेज कार्यक्रमको ।

Keki Adhikari

केकी अधिकारी व्यस्त र मस्त छिन् । तर, दुर्भाग्य उनलाई फिल्म क्षेत्रमा अझै पनि जर्बजस्त लक लागेको छैन । यो बर्षमात्र केकीका ३ वटा फिल्म रिलिज भएका छन् । तर, तिनै वटा फिल्मको व्यापार हेर्दा लाग्छ, केकीको भाग्यमा सुपरहिट फिल्म नै छैन ।

फिल्म ‘बागमती’, ‘फन्को’ र ‘भाग् सानी भाग्’को व्यापार जसरी अपेक्षा गरिएको थियो, त्यस अनुसार भएन । ‘बागमती’को प्रमोशनमा केकीले समय दिएपनि उनी ट्रिपरमै सुतेर फिल्ममा देखिइन् । ‘फन्को’मा पनि केकीको भूमिका राम्रै थियो, तर यसले इनिसियल व्यापार पनि गरेन र लामो समयसम्म पनि चलेन ।

अब, केकीकै कारण चल्छ भनिएको अर्को फिल्म थियो, ‘भाग् सानी भाग्’ । किनकी, केकीलाई नै शिर्ष भूमिकामा राखेर यो फिल्म बनाइएकाले पनि यो फिल्म चल्न केकीको स्टारडमले काम गर्नुपथ्र्यो । तर, फिल्मको व्यापार सोचेजस्तो भएन । यो बर्ष केकीका ३ वटै फिल्म चलेनन् ।

फिल्म ‘स्वर’बाट नेपाली फिल्ममा प्रवेश गरेकी केकीको आजसम्म चलेको भनिएको फिल्म छैन । के केकीलाई नेपाली फिल्म क्षेत्रमा ‘लक’ नलागेकै हो त ?

For More videos Log on to Mazzako TV