आर्यन र दयाहाङ स्वार्थी बने कि के ?
नेपाली फिल्मका चर्चित २ अभिनेता हुन्, आर्यन सिग्देल र दयाहाङ राई । यी दुइको आफ्नै फ्यान छन् । तर, आज अर्थात शुक्रबारबाट रिलिज भएका २ फिल्मको प्रचारमा चर्चित २ अभिनेता देखिएनन् । आर्यन सिग्देल अभिनित फिल्म ‘आवेग’ आजबाट रिलिज भयो ।
आर्यनले यो फिल्मको प्रचारमा कुनै ध्यान नै दिएनन् । हुनत, यसका निर्माताले पनि यसको प्रचारमा खासै वास्ता गरेनन् । निर्देशक बसन्त निरौला र अभिनेत्री पवित्रा आचार्य भने प्रचारमा सक्रिय देखिए । आर्यनले आफ्नो फेसबुकमा यो फिल्मको बारेमा एक शब्द पनि लेखेनन् ।
अभिनेता दयाहाङ राई अभिनित फिल्म ‘राहादानी’ पनि आजैबाट चल्यो । दया पनि यो फिल्मको प्रचारमा एक दिन देखिनन् । फिल्मका निर्देशक डब्बु क्षेत्री सहित सिंगो टोलीले सकेको प्रचार गर्दा दयाले यसलाई वेवास्ता गरिदिए । देशकै चर्चित दुई अभिनेताले आफू अभिनित फिल्मको प्रचारमा किन ध्यान दिएनन् ?
