भदौमा फिल्म नै फिल्म, के छ त्यस्तो ?

अब, दशै, तिहार होइन भदौ महिना नेपाली फिल्मका मेकरका लागि प्यारो देखिएको छ । भदौ महिनामा फिल्म नै फिल्मको बाढी लाग्ने भएको छ । भदौ २ गते फिल्म ‘चपली हाइट २’ रिलिज हुने भएको छ भने ३ गते ‘वीर विक्रम’ ।

भदौ १० गते राजेश हमाललाई तेश्रो लिङ्गी बनाइएको फिल्म ‘शकुन्तला’ रिलिज हुने तयारी गरिएको छ । भदौ १७ गते २ वटा फिल्म चल्दैछन् । भदौ १० मा निर्मल शर्माको निर्देशनमा बनेको फिल्म ‘ब्रासलेट’ र लक्ष्मण सुवेदीको निर्देशनमा बनेको फिल्म ‘लालजोडी’ लाग्ने भएको छ ।

भदौको ३१ गते भने फिल्म ‘संरक्षण’ लाग्ने भएको छ । यो बर्ष पनि भदौमा ५ वटा फिल्म रिलिज भएका थिए । जनैपूणिर्मा र तीजलाई लक्षित गर्दै निर्माताहरुले फिल्म रिलिजको क्यालेन्डर तयार पारेका छन् ।