पललाई माग्ने बनाउने आँचल कि बर्षा ?
फिल्म ‘नाई नभन्नु ल ४’को एक मिठो गीत रिलिज भएको छ । युटुबबाट रिलिज गरिएको यो गीतमा इन्दिरा जोशी र प्रल्हाद तिमिल्सिनाको स्वर, वसन्त सापकोटाको संगीत, डाक्टर कृष्णहरि बरालको शब्द छ । गीतको भिडियोमा पल शाह, बर्षा राउत र आँचल शर्मालाई देखाइएको छ ।
यो फिल्म यी ३ नयाँ कलाकारमा घुमेको छ । पुरुषोत्तम प्रधानले खिचेको भिडियोमा कविराज गहतराजको कोरियोग्राफी छ । ‘मलाई तिमीले माग्ने बनायौ’ बोलको गीत श्रोता तथा दर्शकको मुखमा झुण्डिने खालको छ ।
यो फिल्म चैत्र २६ गतेबाट रिलिज हुँदैछ । फिल्मलाई विकास आचार्यले निर्देशन गरेका हुन् ।
