राउटेसँग रेखाको होली

अभिनेत्री रेखा थापालाई मंगलबार मात्र होइन, वुधबार पनि होली लाग्यो । तर, उनले होली कुनै खुल्ला मैदानमा होइन, उपराष्ट्रपति नन्दकिशोर पुनको घरमा खेलिन् । पुनका छोरा दिपेश पुनका एक राउटे मित छन् । उनै दिपेशको आमन्त्रणमा ५ जना राउटे उपराष्ट्रपति कार्यलयमा पुगेका थिए ।

वुधबार बिहान रेखा राउटेसँग होली खेल्न पुगिन् । राउटेहरु पनि रेखासँग होली खेल्न पाउँदा खुशी देखिए । रेखालाई राउटेहरुले रंग दलिदिए र रेखा दिदी भन्दै सम्बोधन गरेका थिए ।

रेखाले उपराष्ट्रपति कार्यलयमै राउटेहरुलाई खाना पनि खुवाएकी थिइन् । रेखाको निर्माण तथा अभिनय गरेको फिल्म ‘रामप्यारी’का लागि राउटेहरुले शुभकामना दिएका थिए ।