करिश्मासँग होली खेल्न पुगे बाबुराम(फोटो फिचरसहित)
अभिनेत्री करिश्मा मानन्धर र नेता डाक्टर बाबुराम भट्टराइको सम्बन्ध अहिले पार्टीगत रुपमा पनि निकट देखिएको छ । करिश्माले हरेक बर्ष जस्तै यसबर्ष पनि आयोजना गरेको होली विशेष कार्यक्रममा नयाँ शक्ति नेपालका संयोजक डाक्टर बाबुराम भट्टराई पनि पुगेका छन् । बाबुराम करिश्माको होलीमा पुग्नुलाई अर्थपूर्ण रुपमा हेरिएको छ ।
अभिनेत्री करिश्मा मानन्धरले आफ्नै निवास गोदावरीमा आयोजना गरेको होली पर्वमा नेपाली फिल्मका चर्चित अनुहार पुगेका थिए । तर, बाबुरामको उपस्थिती भने विशेष रहन पुग्यो । 
सोही अवसरमा करिश्माका पति विनोद मानन्धरको जन्मदिन पनि मनाइएको थियो । हरेक बर्षको होलीमा विनोदले आफ्नो जन्मदिन मनाउँदै आएका छन् । करिश्मा निवासमा नेपाली फिल्मका चर्चित अनुहार देखिए । अभिनेत्री झरना थापा पति सुनिल कुमार थापासँग पुगिन । नायिका अनु शाह, वेनिशा हमाल, शिल्पा पोख्रेल पनि देखिए । चलचित्र क्षेत्रका अधिकांश चर्चित अनुहारको साथमा करिश्माले होली मनाइन् । करिश्माको होलीमा सधै नै कलाकारको बाक्लो उपस्थिती देखिने गरेको छ । 
