दीपाको ‘६क्का पञ्जा’ सुरु, मुन्द्रेको नम्रतासँग खेतमै डेटिङ

भक्तपुरको सूर्यविनायक मन्दिरमा पूजा गर्दै अभिनेत्री दीपाश्री निरौलाको डेब्यू निर्देशन रहने फिल्म ‘६क्का पञ्जा’को छायांकन सुरु गरिएको छ । आजबाट सुरु भएको छायांकनको पहिलो सर्ट अभिनेता जीतु नेपाल र अभिनेत्री नम्रता सापकोटाले दिएका छन् ।

खेतमा नम्रतासँग डेटमा रमाएका जीतुले उनलाई भगाएको दृश्य खिचिएको छ । फिल्ममा हाँस्य कलाकारहरुको बाहुल्यता रहेको छ । दीपकराज गिरी, जीतु नेपाल, केदार घिमिरे, प्रियंका कार्की, बर्षा राउत, नम्रता सापकोटा फिल्मका मुख्य कलाकार हुन् ।

फिल्मलाई पुरुषोत्तम प्रधानले खिच्नेछन् । काभ्रे र काठमाण्डौमा फिल्मको छायांकन गरिनेछ । छायांकनमा जानु अगाडि नै चर्चामा रहेको यो फिल्मलाई हाइलाइट्स नेपालले महंगो रकममा किनेको दीपकराज गिरीको भनाई छ ।