यी बैंकर, जो हिरोइनको फोटो खिच्न भुतुक्कै हुन्छन्

अनिल शाह, चर्चित ब्याङ्कर हुन् । उनको कुरा सुन्नका लागि अहिले पनि युवा यूवतीहरु लालयित हुन्छन् । उनले सफलताको एउटा उचाई पनि पाएका छन् ।

तर, सफल भएपछि त्यसलाई जोगाउने या नजोगाउने भन्ने कुरा मुख्य हो । हिजोआज अनिल फिल्मका कार्यक्रममा धेरै देखिन्छन्, त्यो पनि अभिनेत्रीसँग ।

अभिनेत्री ऋचा शर्मा पुगेका २ कार्यक्रममा अनिल शाह देखिएका छन् । ऋचाले नै अभिनय गरेको फिल्म ‘को आफ्नो’को प्रिमियरमा पुग्दा उनले पूर्व मिस नेपाल श्रृष्टी श्रेष्ठको ब्याग बोकेर बसेका थिए । उनले ऋचा र श्रृष्टी हल भित्र नछिरेसम्म फोटो र सेल्फी मात्र खिचेको दृश्य त्यती पाच्य खालको थिएन ।

उनै अनिल फेरि अभिनेत्री ऋचा शर्माले नै अभिनय गरेको फिल्म जंगेको ट्रेलर सार्वजनिक कार्यक्रममा पनि देखिए । यसमा पनि उनको बानी स्पष्ट देखियो । फिल्मका मुख्य कलाकार तस्बिर खिचाउँदै गर्दा उनी भने उनीहरुको तस्बिर मोबाइलबाट लिइरहेका थिए ।

अनिल शाह जस्तो स्थापित मानिस कुनै पनि कार्यक्रममा पुग्दा त्यसले ओझिलो स्थान पाउनुपर्ने हो । तर, अनिल अभिनेत्रीको तस्बिर लिने, उनीहरुको झोला बोकिदिने, अभिनेत्रीकै वरिपरी घुमिरहने बानीका कारण फितलो बन्दैछन् ।