सारिका कि अनु ? लक्ष्यले कसलाई चम्काउला ?

भोली अर्थात चैत्र ५ गतेबाट फिल्म ‘लक्ष्य’ चल्दैछ । यो फिल्ममा २ अभिनेत्री छन् । २ अभिनेत्री अनु शाह र सारिका केसीको बजार भ्यालू खासै छैन । अनु फिल्म क्षेत्रमा आएको लामो समय भैसकेको छ । सारिका भर्खरै यो क्षेत्रमा आएकी हुन् ।

फिल्म ‘लक्ष्य’का मुख्य अभिनेता भने सविन श्रेष्ठ हुन् । तर, अनु र सारिकाले सविनलाई साथ दिएका छन् । अनु पनि फिल्म क्षेत्रमा खासै चल्न सकेकी छैनन् भने सारिकाको चर्चा कमजोर छ । तर, यी दुबै फिल्म क्षेत्रमा नाम बनाउनका लागि दौडिरहेका छन् ।

मिलन आले मगरले निर्देशन गरेको यो द्धन्द्धप्रधान फिल्मलाई ओमलाल गुरुङले निर्माण गरेका हुन् । फिल्म चलेको खण्डमा दुबै अभिनेत्रीलाई फाइदा हुनेछ । फिल्ममा सविनको द्धन्द्ध विशेष रहेको निर्देशकको भनाई छ ।