पूरा भएन नीताको चाहना, अब निर्भयको भर ?
अभिनेत्री नीता ढुंगानाको चाहना थियो बर्षमा एउटा हिट फिल्म दिने । यस अनुसार उनले केही बर्ष लगातार एउटा हिट फिल्म दिएकी पनि हुन् । तर, यो बर्ष झनै ब्लकबस्टर हुने उनको चाहना पुरा भएन । खुबै मिहिनेत गरेपनि फिल्म ‘फूलै फूलको मौसम तिमीलाई’ले अपेक्षित व्यापार नगरेपछि नीताका लागि यो बर्ष फापेन । ‘धुन’ र ‘फूलै फूलको मौसम तिमीलाई’को व्यापार कमजोर बने ।
अब, नीता फिल्म ‘निर्भय’तर्फ लागेकी छिन् । मधुसुदन भट्टराइले निर्देशन गर्न लागेको यो फिल्ममा नीताले अभिनेता निखिल उप्रेतीसँग पर्दा शेयर गर्ने चर्चा छ । यसैले पनि नीता निखिलसँगको साथले आफू पनि चल्नेमा ढुक्क छिन् । अब, उनी ‘निर्भय’का लागि मिहिनेत गर्ने बताउँछिन् ।
