योगेशको फिल्ममा जीवन नै किन ?

अभिनेता जीवन लुइटेलले अमेरिका पुगेर ग्रिन कार्ड पाएको या नपाएको भन्ने बिषयमा आजसम्म मुख खोलेका छैनन् । तर उनले ग्रिनकार्ड पाएको चर्चा छ । जे भएपनि अहिले जीवन नेपालमा छन् ।

नेपाल आएका जीवन अब निर्देशक योगेश घिमिरेको नयाँ फिल्ममा देखिने भएका छन् । नाम नराखिसकिएको नयाँ फिल्ममा जीवनलाई अनुवन्धित गरेको योगेशको भनाई छ । ‘नोटबुक’ र ‘भूलभुलैयाँ’को गीतले जीवनलाई चर्चामा ल्याएको थियो ।

‘नाई नभन्नु ल’ को सिक्वेलमा निर्देशक विकास आचार्यसँग कुरा नमिलेपछि अलग भएका जीवन यसपछि केही सुस्त र अभागी देखिएका छन् । तर, योगेशका फिल्मले उनलाई चर्चामा ल्याइरहेको छ ।

कथा लेखक प्रदिप भारद्धाजसँग मिलेपछि योगेशले ६ बर्षको अन्तरालमा उनीसँग काम गर्न लागेका छन् । बसन्त सापकोटाले अहिले फिल्ममा संगीत भर्ने काम गरिरहेका छन् । योगेशले निर्देशन गरेका फिल्ममा जीवन नै हुनुलाई भने संयोग मान्न सकिन्छ ।