भूवनको फिल्मले कमायो ६ करोड, दिए पार्टी पनि
अभिनेता भूवन केसीको निर्देशनमा बनेको फिल्म ड्रिम्सले ६ करोड कमाएको छ । निर्माता तथा निर्देशक केसीले फिल्मले ४ करोड कमाएको जानकारी दिए ।
फिल्म सफल भएपछि काठमाण्डौमा आयोजना गरिएको सफलता पार्टीमा भूवनले काठमाण्डौमा ४ र मोफसलबाट २ करोड ग्रस भएको खुलाए । उनले अब फिल्मको विभिन्न देशमा शो पनि हुन लागेको जानकारी दिए ।
फिल्मले राम्रो व्यापार गरेपछि उत्साहित देखिएका भूवनले आफूलाई ड्रिम्सको निर्देशक हुँ भन्न थालेका छन् । कार्यक्रममा अभिनेता अनमोल केसीले नेपाली फिल्मको विकास र विस्तारका लागि सबैलाई लाग्न आग्रह गरे । अभिनेत्री साम्रज्ञी राज्यलक्ष्मी शाहले फिल्मबाट आफूले पाएको प्रतिक्रियाले हौसिएको बताइन् । अहिले यो फिल्मबाट पटकथा तथा संवाद लेखक सामिप्यराज तिमिल्सिनाले पनि चर्चा पाइरहेका छन् ।
फागुन २१ गतेबाट प्रदर्शनमा आएको यो फिल्मले पहिलो सातामा नै ६ करोड ग्रस कलेक्शन गरेपछि यो बर्षकै आजसम्मको सर्वाधिक कमाउने फिल्मको रुपमा दहरिएको छ ।
